Ayran olğan insanlarğa
6. вересень, 2023 в 18:24
![](https://site-1080448.mozfiles.com/files/1080448/medium/IMG_20230905_182856.jpg)
Eki tedbirge davet etilgen edim. Ekisini de teşkilâtçılar diskussiya dep, taqdim etken ediler.
Amma nedir o, diskussiya, asılında?
Davalı bir meseleniñ üzerinde açıq tarzda fikir bildirüvdir.
Öyle, ğaliba.
Kerçekmi?
Açıq tarzda fikir bildirüv.
Şimdi? Mında?
Eñ azından, adını "subet", "laqırdı", dep qoymalısıñız.
Şimdi: balasını mahkemede körecek anağa cöreme cezası berilgende, Ermeni bazar yolunda köpçekli-köpçeksiz, namlu-namlusız yüzlernen demirler anda-mında yürgende-uçqanda, etraf endi ğayet küçlü davuşlarğa alışqanda, men bu dercni yazğan yerde eñ havfsız söz ve ibareler qıdırğanda...
Yaaa, bir şairemiz yazdı ki, şu tedbirlerde istegen eserlerni oqumaq mümkün eken, sıñırlav-mıñırlav yoq, icat, ilham ve ilâhre üküm etmekte.
Şu demirlerden, şu etraftaki insanlardan bir havf, bir zarar tiymeceginde eminler, demek....
Bilmeyim... Kerçek, bilmeyim.
Böyle tedbirlerniñ bu zamanda, birinciden, yersiz, belki, edepsiz de, sayam.
Ebet, halqımız istidatlı, amma onıñ uzaq (ve, ümüt etem, parlaq) keleceginden ğayrı, yaqın ve şimdi belgisiz kelecegi de bar. Bügün yanımızda olğanlarnıñ havsızlığı...
Episi bular, bilesiñizmi, neni añdıra? Sovetler apshanesindeki edebiyat aveskârlar tögeregi misali, işte...
Em de, parayı verip düdügini çaldırğanlar da, kerçekten, ne qulaqlarıñızğa neler çaldıralar, aceba? Ya da Nasreddin ocanıñ kemanesi kibi, davuşı soñ eşitilirmi...
Ebet, çapıñız...güzel ğayeler (kerçek, biz teklif etken şeyler yahşı olğanını bizim adımızğa olmasa da, aytılğanını kördik), güzel haberler peşinden çapıñız...
Eger de siz böyle tedbirlerni keçirgende, şu demirlerni, misal, körmeseñiz, ya körmemezlikke ursañız, siz özüñiz de aldanasıňız, halqnı da aldatasıňız.
Eger de, bularnıñ er birini bilip yapsañız, zararıñız daa da ziyade.
Öyle dep tüşünem, raat, bahtlı ve ayran olğan insanlar.