Mayısnıñ 20 künü "Fikirdeşim" adlı icadiy birleşmesi ile belli istidatımız, yırcımız Emine hanım Mustafayeva qadim paytahtımız Bağçasaynıñ Osman Aqçoqraqlı adına şeer kitaphanesinde edebiy-muzıkalı körüşüv keçirdiler.

Tedbirniñ musafirlerine Sürgünlik qurbanları hatırasına bağışlanğan, "Bu yer - menim" adlı şiriy temaşa kösterildi, şareler Maye Safet ve Seyare Kökçe öz eserlerini oqudı, ve Emine Mutafayeva acayip halq yırlarımıznı icra etti.

Tedbirden soñ lezetli tatlı yemekler ve qave sofrası başında güzel qoñuşma keçirildi.